दि. २५ मे २०२५ रोजी, श्री बिजासनी भोईराज युवाशक्ती बहुउद्देशीय संस्थेच्या वतीने आणि गोदावरी फाउंडेशन, जळगाव यांच्या सहकार्याने संत भीमा भोई यांचा जन्मोत्सव उत्साहात साजरा करण्यात आला. या निमित्ताने मोफत आरोग्य तपासणी शिबिर आणि रक्तदान शिबिराचे आयोजन करण्यात आले.
संध्याकाळी ६ वाजता भव्य मिरवणूक काढण्यात आली. या वेळी आमदार राजू भोळे यांचे स्वागत संस्थेचे जेष्ठ सल्लागार चुडामन भोई यांच्या हस्ते करण्यात आले.
महाराष्ट्र राज्य सहकारी पणन महासंघ मर्या. मुंबई येथील फेडरेशन उपाध्यक्ष यांचा सत्कार अध्यक्ष योगेश चुडामन भोई यांच्या हस्ते झाला. राष्ट्रवादी काँग्रेसचे जिल्हा कार्याध्यक्ष योगेश देसले यांचे स्वागत सल्लागार शिवाजी भोई यांनी केले. माजी महापौर ललित कोल्हे यांचे स्वागत सचिव अशोक भोई यांनी केले.
या कार्यक्रमास समाजातील अनेक मान्यवर पदाधिकारी उपस्थित होते. यामध्ये उत्तम भोई, घनश्याम भोई, भिकन जावरे, मिलिंद भोई, संजू जावरे, संजय मगन भोई, राजू भोई यांचा समावेश होता.
कार्यक्रमाचे सूत्रसंचालन ऋषिकेश शिवाजी भोई यांनी केले, तर आभार प्रदर्शन गिरीश घनश्याम भोई यांनी केले.
यावेळी भोई समाज जिल्हा उपाध्यक्ष हर्षल भोई, संस्थेचे उपाध्यक्ष स्मितेश जावरे, सचिव रूखमणी भोई, तसेच संतोष जावरे, रंजीत भोई, धर्मराज जावरे, महेश भोई, नवल भोई, नितीन भोई, जीवन तायडे, गणेश सोनार, जानकीराम भोई, विपुल कोळी, मुकेश जावरे, नरेंद्र भोई, राजू राणे यांच्यासह अनेक पदाधिकारी व कार्यकर्ते मोठ्या संख्येने उपस्थित होते.
