नवी दिल्ली, जळगाव समाचार डेस्क;
GST Council च्या शनिवारी होणाऱ्या बैठकीत अनेक महत्त्वाच्या मुद्द्यांवर चर्चा होऊ शकते. यामध्ये ऑनलाइन गेमिंगवर (Online Gaming) कर (Tax) आकारणीचा मुद्दा आणि संबंधित पक्ष सेवांवर कंपनी हमी तसेच टेलिकॉम (Telecom) कंपन्यांना भरलेल्या स्पेक्ट्रम फीवर कर लादणे यांचा समावेश आहे. GST परिषदेची ५३ वी बैठक केंद्रीय अर्थमंत्री निर्मला सीतारामन यांच्या अध्यक्षतेखाली होणार आहे. या परिषदेत राज्यांच्या अर्थमंत्र्यांचा समावेश होतो. वस्तू आणि सेवा कर (जीएसटी) दर तर्कसंगत करण्यावर मंत्री गटाच्या (जीओएम) अहवालाला अंतिम रूप देण्याच्या प्रगतीवरही या बैठकीत चर्चा होण्याची शक्यता आहे.
आठ महिन्यांनी जीएसटी कौन्सिलची बैठक होणार
जीएसटी परिषदेची ही बैठक तब्बल आठ महिन्यांनंतर होत आहे. यापूर्वी, GST परिषदेची 52 वी बैठक 7 ऑक्टोबर 2023 रोजी झाली होती. GST परिषद ऑनलाइन गेमिंग कंपन्यांसाठी बेट्सच्या संपूर्ण मूल्यावर 28 टक्के GST लावण्याच्या निर्णयाचे पुनरावलोकन करू शकते. हा निर्णय 1 ऑक्टोबर 2023 पासून लागू झाला आहे.
सहा महिन्यांनंतर आढावा घेतला जाईल
GST कौन्सिलने जुलै आणि ऑगस्टमध्ये झालेल्या बैठकांमध्ये ऑनलाइन गेमिंग, कॅसिनो आणि घोड्यांच्या शर्यतींचा समावेश करपात्र दावे म्हणून कायद्यात सुधारणा करण्यास मान्यता दिली होती. सट्ट्याच्या संपूर्ण मूल्यावर 28 टक्के कर आकारला जाईल, असेही स्पष्ट करण्यात आले. या निर्णयाच्या अंमलबजावणीनंतर सहा महिन्यांनी फेरविचार केला जाईल, असे त्यावेळी सांगण्यात आले होते.
