जळगाव समाचार | २३ सप्टेंबर २०२५
जळगाव जिल्हा परिषद अंतर्गत ग्रामपंचायत विभागातील पदभरतीसंदर्भात आज समुपदेशन कार्यक्रम पार पडला. या अंतर्गत ग्रामविकास अधिकारी ते विस्तार अधिकारी या श्रेणीतील ४ जणांना पदोन्नती देण्यात आली असून प्रतीक्षा यादीतील ५ उमेदवारांना कंत्राटी ग्रामसेवक म्हणून नियुक्ती देण्यात आली.
कार्यक्रमास जिल्हा परिषदेच्या मुख्य कार्यकारी अधिकारी मिनल करनवाल प्रमुख उपस्थित होत्या. यावेळी उप मुख्य कार्यकारी अधिकारी (सामान्य प्रशासन विभाग) चंद्रशेखर जगताप तसेच ग्रामपंचायत विभागाचे उप मुख्य कार्यकारी अधिकारी बी. यू. आकलाडे उपस्थित होते. या नियुक्त्यांमुळे ग्रामपंचायत विभागातील प्रशासनिक कामकाज अधिक परिणामकारक होऊन ग्रामीण विकासाच्या उपक्रमांना गती मिळणार असल्याची माहिती यावेळी देण्यात आली.
