जळगाव समाचार डेस्क;
नेपाळमधून एक हृदयद्रावक घटना समोर आली आहे. येथील मदन आश्रित महामार्गावर दरड कोसळल्याने प्रवाशांनी भरलेल्या दोन बस महामार्गालगत वाहणाऱ्या त्रिशूल नदीत पडल्या आहेत. बस नदीत पडल्यानंतर नदीच्या जोरदार प्रवाहामुळे दोन्ही बस वाहून गेल्याचे बोलले जात आहे. या घटनेत 60 हून अधिक प्रवासीही बेपत्ता आहेत. त्यांच्या शोधासाठी सध्या बचावकार्य सुरू आहे.
A landslide swept two buses carrying an estimated 63 passengers, on Madan-Ashrit Highway in Central Nepal into the Trishuli River, this morning.
(Source: Road Division Office, Bharatpur, Nepal) https://t.co/1LZ1qYcXcQ pic.twitter.com/1xSFDB5uZY
— ANI (@ANI) July 12, 2024
घटनेची माहिती मिळाल्यानंतर स्थानिक पोलिसही बचाव पथकाला मदत करत आहेत. पोलिसांकडून मिळालेल्या माहितीनुसार, ही बस राजधानी काठमांडूला जात होती. एंजल आणि गणपती डिलक्स बस अशी या दोन बसची नावे होती. दरड कोसळल्याने या बसेसला धडक बसून हा अपघात झाला. पोलिसांनी दिलेल्या माहितीनुसार, या बसमधून प्रवास करणाऱ्या काही प्रवाशांकडून त्यांना या अपघाताची माहिती मिळाली. बस नदीत पडल्यानंतर या प्रवाशांनी पोहून आपला जीव वाचवला आणि नंतर पोलिसांना घटनेची माहिती दिली.
नेपाल के प्रधानमंत्री पुष्प कमल दहल ने ट्वीट किया, "नारायणगढ़-मुग्लिन सड़क खंड पर भूस्खलन में बस के बह जाने से लगभग पांच दर्जन यात्रियों के लापता होने की रिपोर्ट और देश के विभिन्न हिस्सों में बाढ़ और भूस्खलन के कारण संपत्तियों के नुकसान से मैं बहुत दुखी हूं। मैं गृह प्रशासन सहित… pic.twitter.com/QpTLa3cuQw
— ANI_HindiNews (@AHindinews) July 12, 2024
या सगळ्या दरम्यान नेपाळचे पंतप्रधान पुष्प कमल दहल यांनी या अपघातावर शोक व्यक्त केला आहे. ते म्हणाले की नारायणगड-मुग्लिन मार्गावरील भूस्खलनात बस वाहून गेल्याने सुमारे पाच डझन प्रवासी बेपत्ता झाल्याच्या बातम्यांमुळे आणि देशाच्या विविध भागात पूर आणि भूस्खलनामुळे मालमत्तेचे नुकसान झाल्याच्या वृत्तामुळे मला खूप दुःख झाले आहे. मी गृह प्रशासनासह सरकारच्या सर्व एजन्सींना प्रवाशांचा शोध आणि प्रभावीपणे सुटका करण्याचे निर्देश देतो.
