जळगाव समाचार | २४ ऑगस्ट २०२५
भारतीय क्रिकेटपटू चेतेश्वर पुजारा यांनी रविवारी आंतरराष्ट्रीय क्रिकेटमधून निवृत्ती जाहीर केली. १०३ कसोटी सामन्यांमध्ये त्यांनी ४३.६० च्या सरासरीने ७,१९५ धावा केल्या असून त्यात १९ शतकांचा समावेश आहे. कसोटी क्रिकेटमध्ये भारतासाठी सर्वाधिक धावा करणाऱ्या खेळाडूंच्या यादीत ते आठव्या क्रमांकावर आहेत.
आपल्या निवृत्तीबाबत त्यांनी सोशल मीडियावर पोस्ट करत कृतज्ञता व्यक्त केली. त्यांनी लिहिले की, भारतीय जर्सी घालणे आणि राष्ट्रगीत गाणे हा त्यांच्या आयुष्यातील सर्वात मोठा सन्मान होता.
२०१८-१९ मधील ऑस्ट्रेलिया दौऱ्यातील ऐतिहासिक मालिकाविजयात पुजाराने ५२१ धावा केल्या होत्या. त्यांनी या मालिकेत तब्बल १,२५८ चेंडूंचा सामना करत तीन शतके झळकावली होती. त्यांच्या या कामगिरीमुळे त्या काळातील विजयात त्यांचे योगदान महत्त्वाचे मानले जाते.
