उत्तर प्रदेश, जळगाव समाचार डेस्क;
उत्तर प्रदेशातील (Uttar Pradesh) हाथरस येथील रतिभानपूर येथे सत्संगादरम्यान चेंगराचेंगरी झाली. चेंगराचेंगरीत 27 हून अधिक लोकांचा मृत्यू झाला आहे. (Death) मृतांमध्ये 25 महिला आणि लहान मुलांचा समावेश आहे. या अपघातात अनेक जण जखमीही झाले आहेत. त्यामुळे मृतांचा आकडाही वाढण्याची शक्यता आहे. या अपघातात सुमारे 15 महिला आणि मुलेही जखमी झाली आहेत. जखमींना एटा मेडिकल हॉस्पिटलमध्ये दाखल करण्यात आले आहे.
50 पेक्षा जास्त लोकांचा मृत्यू होण्याची भीती स्थानिकांना आहे.
मिळालेल्या माहितीनुसार, सिकंदरराव मंडीजवळील फुलराई गावात भोले बाबांच्या सत्संगाच्या समारोपाच्या वेळी झालेल्या चेंगराचेंगरीत 27 हून अधिक लोकांचा मृत्यू झाला. 25 महिला आणि मुलांचे मृतदेह एटा मेडिकल कॉलेजमध्ये पोहोचले आहेत. स्थानिक लोक 50 हून अधिक मृत्यूची भीती व्यक्त करत आहेत.
सीएम योगींनी मुख्य सचिव गृह सचिव दीपक कुमार यांच्याकडून अहवाल मागवला आहे
हातरसमधील घटनेची दखल घेत मुख्यमंत्री योगी आदित्यनाथ यांनी अतिरिक्त मुख्य सचिव गृह दीपक कुमार यांच्याकडून सविस्तर अहवाल मागवला आहे. यासोबतच मदतकार्याला गती देण्यासाठी पोलीस प्रशासनाशी संबंधित वरिष्ठ अधिकाऱ्यांना तात्काळ घटनास्थळी पाठवून जखमींवर उपचार आदींची व्यवस्था करण्याच्या सूचना देण्यात आल्या आहेत.
