जळगाव समाचार डेस्क। १२ ऑगस्ट २०२४
बिहारच्या जहानाबाद जिल्ह्यातील बाबा सिदेश्वरनाथ मंदिरात झालेल्या चेंगराचेंगरीत तीन महिलांसह सात श्रद्धाळूंचा मृत्यू झाल्याची घटना घडली आहे. या घटनेत ३५ श्रद्धाळू जखमी झाले आहेत. ही घटना मखदुमपूर प्रखंडातील वाणावर डोंगर परिसरात घडली आहे. या घटनेची माहिती मिळताच प्रशासनाचे पथक घटनास्थळी पोहोचले असून मंदिराच्या परिसरात तैनात असलेल्या सुरक्षा दलांच्या आणि स्वयंसेवकांच्या मदतीने बचाव कार्य सुरू आहे.
श्रावण सोमवार निमित्त मंदिरात भक्तांची मोठी गर्दी जमली होती. भगवान शिवाच्या जलाभिषेकाच्या वेळी मंदिरात ही चेंगराचेंगरी झाली. या दुर्घटनेत अनेक श्रद्धाळूंचा मृत्यू झाला असून, जखमींना नजीकच्या रुग्णालयात दाखल करण्यात आले आहे.
