जळगाव समाचार | २२ एप्रिल २०२५
‘भाबीजी घर पर हैं’ मालिकेतील ‘अंगुरी भाभी’ म्हणून ओळख मिळवलेली प्रसिद्ध अभिनेत्री शुभांगी अत्रे सध्या दुःखद कारणामुळे चर्चेत आली आहे. त्यांच्या पूर्वाश्रमीचे पतीचे पीयूष पूरे यांचे यकृताच्या (लिव्हर) गंभीर आजारामुळे निधन झाले आहे.
मिळालेल्या माहितीनुसार, शनिवार, १९ एप्रिल २०२५ रोजी इंदौरमध्ये त्यांनी शेवटचा श्वास घेतला. ते काही दिवसांपासून लिव्हर सिरोसिस या आजाराने त्रस्त होते आणि त्यासाठी त्यांना रुग्णालयात दाखल करण्यात आले होते.
शुभांगी अत्रे आणि पीयूष पूरें यांचे २००३ मध्ये लग्न झाले होते. त्यानंतर २२ वर्षांनंतर, म्हणजेच ५ फेब्रुवारी २०२५ रोजी दोघांचा घटस्फोट झाला. त्यांच्या एकत्र संसारात अनेक मतभेद निर्माण झाले होते. बेटी ‘आशी’च्या जन्मानंतर (२००५) त्यांनी आपले नातं टिकवून ठेवण्याचा प्रयत्न केला, मात्र अखेर आपल्यात जुळत नसल्यामुळे दोघांनी विभक्त होण्याचा निर्णय घेतला होता.
शुभांगी अत्रे यांनी यासंदर्भात ‘टाइम्स ऑफ इंडिया’ला सांगितले की, “त्यानंतर आमच्यात कोणताही संवाद नव्हता. मात्र त्याच्या निधनाची बातमी मला व माझ्या मुलीला मिळाली आहे.” या दुःखद काळातही शुभांगीने तिच्या वर्क कमिटमेंट पूर्ण करत पुन्हा शूटिंगवर हजेरी लावली आहे.
पीयूष पूरें हे डिजिटल मार्केटिंग एक्स्पर्ट होते. शुभांगी अत्रे यांनी याच क्षेत्रात काम करणाऱ्या पीयूषसोबत लग्न केलं होतं.
त्यांच्या निधनानंतर टीव्ही इंडस्ट्रीतून आणि चाहत्यांकडून शोक व्यक्त केला जात आहे. एकीकडे वैयक्तिक आयुष्यात दुःखाचा काळ असतानाही शुभांगी आपल्या कामात व्यस्त राहून प्रोफेशनल जबाबदारी पार पाडताना दिसत आहे.
