जळगाव समाचार डेस्क | २३ ऑक्टोबर २०२४
शिवसेना शिंदे गटाने आगामी निवडणुकीसाठी आपल्या उमेदवारांची यादी जाहीर केली आहे, ज्यामध्ये जळगाव जिल्ह्यातील विद्यमान आमदारांना आणि त्यांच्या कुटुंबातील सदस्यांना पुन्हा एकदा संधी देण्यात आली आहे. यादीत मंत्री गुलाबराव पाटील यांना जळगाव ग्रामीण मतदारसंघातून पुन्हा उमेदवारी मिळाली आहे, तर पाचोरा मतदारसंघातून किशोर पाटील यांनाही पुन्हा उमेदवारी दिली आहे. या यादीत भाजपच्या तालुकाध्यक्ष अमोल शिंदे यांच्या उमेदवारीच्या तयारीला धक्का बसल्याचे मानले जात आहे, ज्यामुळे त्यांच्या संभाव्य बंडखोरीची चर्चा रंगली आहे.
मुक्ताईनगर मतदारसंघातून एकनाथ खडसे यांच्या विरोधात निवडून आलेले आणि नंतर शिंदे गटात सामील झालेल्या चंद्रकांत पाटील यांना उमेदवारी देण्यात आली आहे, ज्यामुळे खडसे परिवाराचे आणि भाजपाच्या इच्छुकांच्या नाराजीचे आव्हान त्यांच्यासमोर आहे. याचबरोबर एरंडोल पारोळा मतदारसंघात चिमण आबा पाटील यांची जागा त्यांचे पुत्र अमोल पाटील यांना दिली गेली आहे. वयाचा विचार करून चिमण पाटील यांनी मुलासाठी उमेदवारी सोडली असल्याचे सांगितले होते.
चोपडा मतदारसंघात लता सोनावणे यांचे पती माजी आमदार चंद्रकांत सोनवणे यांना उमेदवारी मिळाली आहे. शिंदे गटाच्या या यादीत मागील निवडणुकीतील आमदार आणि त्यांच्या कुटुंबीयांना प्राधान्य दिले गेले आहे, यावर मतदारांमध्ये चर्चेला उधाण आले आहे.
शिंदे गटाच्या जळगावातील प्रमुख उमेदवार:
1. जळगाव ग्रामीण – गुलाबराव पाटील
2. पाचोरा – किशोर पाटील
3. मुक्ताईनगर – चंद्रकांत पाटील
4. एरंडोल पारोळा – अमोल पाटील
5. चोपडा – चंद्रकांत सोनवणे
शिंदे गटाने एकूण 45 उमेदवारांची यादी जाहीर केली असून, यामध्ये अनेक विद्यमान आमदार आणि त्यांच्या कुटुंबातील सदस्यांना संधी देण्यात आली आहे, ज्यामुळे निवडणुकीत गटबाजी आणि बंडखोरीचे चित्र समोर येण्याची शक्यता वर्तवली जात आहे.
शिवसेनेची उमेदवार यादी
1. एकनाथ शिंदे – कोपची पाचपाखाडी
2. साक्री – मंजुळा गावीत
3. चोपडा – चंद्रकांत सोनवणे
4. जळगाव ग्रामीण – गुलाबराव पाटील
5. पाचोरा – किशोर पाटील
6. एरंडोल – अमोल पाटील
7. मुक्ताईनगर – चंद्रकांत पाटील
8. बुलढाणा – संजय गायकवाड
9. मेहकर – संजय रायमुलकर
10.दर्यापूर – अभिजीत अडसूळ
11. आशिष जयस्वाल – रामटेक
12. भंडारा – नरेंद्र भोंडेकर
13. दिग्रस – संजय राठोड
14. नांदेड उत्तर – बालाजी कल्याणकर
15.कळमनुरी – संतोष बांगर
16. जालना – अर्जुन खोतकर
17.सिल्लोड – अब्दुल सत्तार
18.छ संभाजीनगर मध्य – प्रदीप जयस्वाल
19. छ. संभाजीनगर पश्चिम – संजय सिरसाट
20. पैठण – रमेश भूमरे
21.वैजापूर – रमेश बोरनारे
22.नांदगाव – सुहास कांदे
23. मालेगाव बाह्य – दादाजी भूसे
24. ओवळा माजीवडा – प्रताप सरनाईक
25. मागाठाणे – प्रकाश सुर्वे
26. जोगेश्वरी पूर्व – मनीषा वायकर
27. चांदिवली – दिलीप लांडे
28. कुर्ला – मंगेश कुडाळकर
29. माहीम – सदा सरवणकर
30. भायखळा – यामिनी जाधव
31. कर्जत महेंद्र थोरवे
32. अलिबाग – महेंद्र दळवी
33. महाड – भरत गोगावले
34. उमरगा – ज्ञानराज चौगुले
35. सांगोला – शहाजीबापू पाटील
36. कोरेगाव – महेश शिंदे
37. परांडा – तानाजी सावंत
38. पाटण – शंभूराज देसाई
39. दापोली – योगेश कदम
40. रत्नागिरी – उदय सामंत
41. राजापूर – किरण सामंत
42. सावंतवाडी – दीपक केसरकर
43. राधानगरी – प्रकाश आबिटकर
44. करवीर – चंद्रदीप नरके
45. खानापूर – सुहास बाबर
