जळगाव समाचार डेस्क;
Detective for travel नावाने प्रसिद्ध असलेली ट्रॅव्हल रिल्स (Reels) बनवणाऱ्या अन्वी कामदारचा मृत्यू झाला आहे. अन्वी मुंबईजवळील (Mumbai) रायगडमधील कुंभे फॉल्स येथे शूटिंगसाठी गेली होती. यादरम्यान तिचा अपघाती मृत्यू झाला. अधिकाऱ्यांनी दिलेल्या माहितीनुसार, रील शूट करत असताना अन्वी कामदारचा पाय अचानक घसरला आणि ती 300 फूट खोल दरीत पडली. रायगडजवळील कुंभे धबधब्यावर हा अपघात झाला.
अधिकाऱ्यांनी सांगितले की अन्वी 16 जुलै रोजी तिच्या सात मित्रांसह ट्रॅकवर गेली होती. काल सकाळी 10:30 च्या सुमारास, अन्वी व्हिडिओ शूट करताना खोल दरीत पडली, त्यानंतर स्थानिक अधिकाऱ्यांनी तात्काळ आपत्कालीन आधारावर एक बचाव पथक घटनास्थळी पाठवले. तटरक्षक दलासह महाराष्ट्र राज्य विद्युत मंडळाच्या कर्मचाऱ्यांकडून अतिरिक्त मदत मागवण्यात आली, पण अन्वीला वाचवता आले नाही.
अन्वीला प्रवासाची आवड होती. या आवडीला तिने आपले करिअर बनवले होते. रायगडमधील कुंभे धबधब्याचे सौंदर्य कॅमेऱ्यात टिपत असताना अन्वीचा अपघात झाल्याचे प्राथमिक तपासात समोर आले आहे, ज्यात तिचा मृत्यू झाला. अन्वी कामदारचे इंस्टाग्रामवर दोन लाख ५६ हजारांहून अधिक फॉलोअर्स आहेत. अन्वीने सीएचे शिक्षण घेतले होते आणि काही काळ डेलॉइट नावाच्या कंपनीत कामही केले होते.
मुंबईत राहणारी अन्वी कामदार पावसाळ्यात कुंभे धबधब्याच्या शूटिंगसाठी आली होती. अन्वीने इन्स्टाग्रामवरील तिच्या बायोमध्ये स्वतःबद्दल Detective for travel असे लिहिले आहे. अन्वी प्रवासासोबतच चांगल्या ठिकाणांची माहिती देत असे. तथापि, अन्वी कामदारला माहीत नव्हते की तिला लोकप्रियता मिळवून देणारी रील बनवण्याची कलाच तिच्या मृत्यूचे कारण बनेल.
