जळगाव समाचार डेस्क| ३० जुलै २०२४
माणुसकीला लाजवेल असे एक प्रकरण उत्तर प्रदेशातील बरेली येथून समोर आले आहे. सोमवारी बरेलीतील हाफिज गंज भागात एका तरुणाने ८५ वर्षीय महिलेवर बलात्कार केल्याचा आरोप आहे. यानंतर महिलेचा मृत्यू झाला. या प्रकरणाबाबत पोलिसांनी माहिती दिली की, शेजारी राहणाऱ्या एका तरुणावर एका वृद्ध महिलेवर बलात्काराचा आरोप आहे. आरोपीला अटक करण्यात आली आहे.(Rape, Crime)
महिला एकटी राहत होती
८५ वर्षीय महिलेवर बलात्कार केल्याप्रकरणी ३५ वर्षीय आरोपी तरुणाला अटक करण्यात आली आहे. राकेश असे त्याचे नाव असून तो महिलेच्या शेजारी राहतो. वृद्ध महिला घरात एकटीच राहत होती, असे पोलिसांनी सांगितले आहे. महिलेचा मुलगा आणि पतीचा मृत्यू झाला होता. महिलेचा भाऊ आणि वहिनी शेजारी राहतात आणि महिलेची सून त्यांच्यासोबत राहते.
वृद्ध महिलेच्या सुनेने सांगितले की, सोमवारी दुपारी एक वाजण्याच्या सुमारास त्या काही कामासाठी घरी गेल्या होत्या. मात्र, परिसरातील राकेश हा तरुण तिच्या वृद्ध सासूवर बलात्कार करत असल्याचे पाहून तिला धक्काच बसला. पोलिसांनी दिलेल्या माहितीनुसार, वृद्ध महिलेच्या सुनेने आरडाओरडा केला तेव्हा आरोपी राकेशने तेथून पळ काढला.
वृद्ध महिलेचा मृत्यू
कुटुंबीयांनी पोलिसांना बोलावले पण त्याच दरम्यान वृद्ध महिलेचा मृत्यू झाला. पोलिसांनी घटनास्थळी पोहोचून तपास केला, तसेच फॉरेन्सिक टीमलाही पाचारण करण्यात आले. आरोपी हा मद्यपी असून त्याची चौकशी सुरू असल्याचे पोलिसांनी सांगितले. मृतदेह शवविच्छेदनासाठी पाठवण्यात आला असून या प्रकरणाचा तपास सुरू असल्याचे त्यांनी सांगितले.
