जळगाव समाचार | २५ फेब्रुवारी २०२५
कुसुंबा येथील गोशाळेजवळ पायी जात असलेल्या ६९ वर्षीय वृद्ध पुजाऱ्याला अज्ञात भरधाव वाहनाने धडक दिल्याने त्यांचा मृत्यू झाला. ही घटना सोमवारी, २४ फेब्रुवारी रोजी सकाळी ११.३० वाजता घडली.
मनोहर बाबुराव जोशी (रा. साई सिटी कॉलनी, कुसुंबा) असे अपघातात मृत्यू झालेल्या पुजाऱ्याचे नाव आहे. ते गावातील शंकर पार्वती मंदिरात पुजारी म्हणून सेवा करत होते. अपघातानंतर वाहनचालक घटनास्थळावरून फरार झाला.
गंभीर जखमी झालेल्या जोशी यांना उपचारासाठी शासकीय रुग्णालयात दाखल करण्यात आले, पण डॉक्टरांनी त्यांना मृत घोषित केले. या घटनेमुळे गावात हळहळ व्यक्त होत आहे. या प्रकरणी एमआयडीसी पोलिस ठाण्यात गुन्हा दाखल करण्याचे काम सुरू होते.
