जळगाव समाचार डेस्क| ५ ऑगस्ट २०२४
जामनेर (Jameer news) तालुक्यातील गोद्री गावात एक धक्कादायक घटना घडली आहे. पतीने पत्नीला केलेल्या अमानुष मारहाणीत पत्नीचा मृत्यू झाला आहे. काजल विशाल चव्हाण (२४) असे मृत महिलेचे नाव असून, या प्रकरणी जामनेर पोलिसांनी खुनाचा गुन्हा नोंदवला आहे. (Husband Kills Wife)
मिळालेल्या माहितीनुसार, काजल आपला नवरा व सासू सासऱ्यासह गोद्री येथे राहत होती. विवाहाच्या काही महिन्यांनंतर, पती-पत्नीमध्ये भांडणं सुरू झाली. कुटुंबीयांनी वाद थांबवण्यासाठी प्रयत्न केले, पण रविवारी रात्री वाद भयंकर झाला. या परिस्थितीमध्ये, पतीने पत्नीला अत्यंत क्रूरपणे मारहाण केली.
विशालने काजलच्या शरीरावर धारदार वस्तूने आणि इतर अवयवांवर हल्ला केला. यामुळे काजल गंभीर जखमी झाली. ग्रामस्थांनी तिला तातडीने जामनेर उपजिल्हा रुग्णालयात नेले, परंतु तिथे तिला मृत घोषित करण्यात आले.
काजलच्या मृत्यूमुळे कुटुंबीयांनी जोरदार आक्रोश केला. पोलिसांनी पतीला ताब्यात घेतले असून त्याच्यावर खूनाचा गुन्हा नोंदवला आहे. पोलिसांनी घटनेची सखोल तपासणी सुरू केली असून, पुढील न्यायालयीन कारवाईसाठी त्याला हजर केले जाईल.
