जळगाव समाचार डेस्क | २७ जानेवारी २०२५
रायसोनी नगर येथील अपार्टमेंटच्या बांधकामावर काम करताना पाचव्या मजल्यावरून पडल्याने २८ वर्षीय ज्ञानेश्वर श्रावण राठोड (रा. कुसुंबा) यांचा मृत्यू झाला. ही घटना सोमवारी (दि. २७ जानेवारी) दुपारी २ वाजता घडली.
ज्ञानेश्वर हा कुसुंबा गावातील रहिवासी असून, आपल्या कुटुंबाचा उदरनिर्वाह करण्यासाठी बांधकाम मजुरीचे काम करीत होता. काम करत असताना शिडीवरून चढताना त्याचा तोल गेला आणि तो खाली पडला.
त्याला तात्काळ शासकीय रुग्णालयात दाखल करण्यात आले, मात्र डॉक्टरांनी त्याला मृत घोषित केले. या घटनेमुळे कुसुंबा गावात आणि कुटुंबात शोककळा पसरली आहे. या प्रकरणी रामानंद नगर पोलीस ठाण्यात अकस्मात मृत्यूची नोंद करण्यात आली आहे.
