जळगाव समाचार डेस्क| ५ सप्टेंबर २०२४
शहरातील सिंधी कॉलनी परिसरात एका विवाहितेचा अश्लील भाषेत विनयभंग केल्याची घटना घडली आहे. संशयित बबला नारायणदास तलरेजा याच्याविरुद्ध एमआयडीसी पोलीस ठाण्यात गुन्हा दाखल करण्यात आला आहे. ही घटना ६ ऑगस्ट रोजी सायंकाळी आठ वाजेच्या सुमारास घडली.
पीडित विवाहितेला तिच्या सोळा वर्षीय मुलीच्या अश्लील व्हिडीओबाबत धमकावत, “तुम्हारी बेटी का व्हिडीओ मेरे मोबाईल पे आया है, मै वो आपको दिखावू क्या? मेरी आपकी बेटी से फ्रेंडशिप करवाओ,” असे म्हणत तलरेजाने अश्लील वर्तन केले. या प्रकारामुळे पीडित महिलेला लज्जा उत्पन्न झाली.
दरम्यान, या प्रकरणात महिलेवर पैसे घेतल्याचे बदनामीकारक आरोप केल्यामुळे तिने एमआयडीसी पोलीस ठाण्यात तक्रार दाखल केली आहे. संशयित बबला तलरेजा याला अटक करण्यात आली असून, पुढील तपास सुरू आहे.
