जळगाव समाचार डेस्क | ४ फेब्रुवारी २०२५
जळगाव शहरात एमआयडीसी परिसरातील रेमंड चौकात सोमवारी (३ फेब्रुवारी) रात्री ९.३० वाजता अज्ञात वाहनाने दुचाकीला धडक दिल्याची घटना घडली. या अपघातात पतीचा मृत्यू झाला, तर पत्नी गंभीर जखमी झाली आहे.
संजय पुंडलिक नारखेडे (वय ५५, रा. ममुराबाद) यांचा अपघातात जागीच मृत्यू झाला. त्यांची पत्नी ज्योत्सना नारखेडे (वय ४१) गंभीर जखमी असून त्यांच्यावर शासकीय रुग्णालयात उपचार सुरू आहेत.
संजय आणि ज्योत्सना हे नातेवाईकांच्या लग्न समारंभातून दुचाकीवरून घरी परतत असताना हा अपघात झाला. एमआयडीसी पोलिस ठाण्यात घटनेची नोंद करण्यात आली असून पुढील तपास सुरू आहे.
