जळगाव समाचार डेस्क | २८ जानेवारी २०२५
पिंप्राळा हुडको परिसरात जुन्या वादातून एका व्यक्तीला लोखंडी रॉड आणि चॉपरने मारहाण केल्याची घटना रविवारी, १९ जानेवारी रोजी सकाळी ९ वाजता घडली. या हल्ल्यात सुरेश भुता बनसोडे (वय ४७) हे गंभीर जखमी झाले असून त्यांच्यावर जिल्हा शासकीय वैद्यकीय महाविद्यालयात उपचार सुरू आहेत.
सुरेश बनसोडे हे आपल्या कुटुंबासह पिंप्राळा हुडको येथे राहतात. १९ जानेवारी रोजी ते घरी असताना, जुन्या वादातून सोनू सुरेश शिरसाळे, गणेश भगवान पगारे, आणि निलेश भगवान पगारे (सर्व रा. पिंप्राळा हुडको) यांनी त्यांच्या घरात घुसून शिवीगाळ करत लोखंडी रॉड आणि चॉपरने हल्ला केला. या मारहाणीत सुरेश बनसोडे गंभीर जखमी झाले.
या प्रकरणी २७ जानेवारी रोजी दुपारी ३ वाजता रामानंद नगर पोलीस ठाण्यात सोनू शिरसाळे, गणेश पगारे आणि निलेश पगारे यांच्या विरोधात गुन्हा दाखल करण्यात आला आहे.
घटनेचा पुढील तपास पोलीस हवालदार कालसिंग बारेला करत आहेत. पोलिसांनी आरोपींचा शोध सुरू केला असून या प्रकरणी अधिक तपास सुरू आहे.
जखमी सुरेश बनसोडे यांना तातडीने शासकीय रुग्णालयात दाखल करण्यात आले असून त्यांची प्रकृती गंभीर आहे.
