जळगाव समाचार डेस्क | २४ ऑगस्ट २०२४
बिहारच्या मुजफ्फरपूरमध्ये एक धक्कादायक घटना समोर आली आहे. येथे तीन वर्षांच्या मुलीचा मृतदेह एका सुटकेसमध्ये आढळल्यामुळे परिसरात खळबळ माजली आहे. मिळालेल्या माहितीनुसार, ही मुलगी तिच्या आईसोबत मावशीच्या वाढदिवसाच्या पार्टीला गेली होती.
ही घटना निराला निकेतन मार्गावरील आहे. मृत मुलीची ओळख ‘मिस्टी’ म्हणून झाली आहे. तिची आई, काजल, अद्याप बेपत्ता आहे. पोलिसांनी दिलेल्या माहितीनुसार, या मुलीची हत्या करून मृतदेह सुटकेसमध्ये टाकण्यात आला असावा अशी शक्यता वर्तवली जात आहे. विशेष म्हणजे, मुलीच्या आईचा फोन बंद असून ती अद्याप सापडलेली नाही.
स्थानीय लोकांनी पोलिसांना घटनेची माहिती दिली. पोलिसांनी घटनास्थळी पोहोचून तपास सुरू केला आहे. मृतदेह पोस्टमार्टमसाठी एसकेएमसीएच रुग्णालयात पाठवण्यात आला आहे. या घटनेमुळे परिसरात भीतीचे वातावरण पसरले आहे.
काजल शुक्रवारी आपल्या मुलीसह मावशीच्या घरात वाढदिवसाच्या पार्टीसाठी गेली होती. मात्र शनिवारी स्थानिक लोकांना एका झुडपात लाल रंगाच्या सुटकेस दिसली. जवळून पाहिल्यानंतर त्यात मुलीचा मृतदेह आढळला. पोलिसांनी घटनास्थळी येऊन सुटकेस उघडली असता, आत तीन वर्षांच्या मिस्टीचा मृतदेह आढळला. तिच्या वडिलांनी घटनास्थळी येऊन मुलीची ओळख पटवली.
घटनास्थळी वार्ड नगरसेवक इकबाल हुसेन यांनी सांगितले की, मुलीचा मृतदेह सुटकेसमध्ये आढळला आहे. तिच्या आईचा फोन बंद असून ती अद्याप सापडलेली नाही. तिच्या वडिलांनी आईच्या बेपत्ता होण्याची तक्रार दाखल केली होती. पोलीस या प्रकरणाचा तपास करत होते, तेव्हा मुलीचा मृतदेह आढळून आला. पोलीस सध्या या प्रकरणाचा सखोल तपास करत आहेत.
