जळगाव समाचार डेस्क;
जळगाव (Jalgaon) जिल्ह्यातील भडगाव तालुक्यातील गिरड येथून पोलिसांनी एका चोरट्याला तब्बल आठ दुचाकींसह ताब्यात घेतल्या आहे. याप्रकरणी भडगाव पोलीस ठाण्यात गुन्हा दाखल करण्यात आला आहे. अमोल शांताराम पाटील रा. गिरड ता. भडगाव असे अटक केलेल्या चोरट्याचे नाव आहे.
याबाबत मिळालेल्या माहितीनुसार, भडगाव तालुक्यातील गिरड येथील पंडीत झिपरू बोरसे (४७) यांची दुचाकी क्रमांक एमएच १९ डीक्यू ५९१५ ही दुचाकी १३ जानेवारी २०२३ रोजी चोरी झज्ञले होती. याप्रकरणी भडगाव पोलीसात गुन्हा दाखल करण्यात आला होता. या गुन्ह्याचा तपास सुरू असतांना ही दुचाकी त्याच गावातील संशयित आरोपी अमोल पाटील याने चोरी केल्याचे निष्पन्न झाले. त्यानुसार पोलीसांनी कारवाई करत त्याला १८ जुलै रोजी रात्री ८ वाजता अटक केली. यादरम्यान पोलिसांनी आपल्या पोलिसीखाक्या दाखवल्या असता त्याने या दुचाक्या मध्यप्रदेश, गुजरात आणि पाचोरा तालुक्यातून चोरी केल्याचे सांगितले. यादरम्यान चोरीच्या दुचाकीसह इतर ७ अशा एकुण ८ दुचाकी हस्तगत करण्यात आल्या.
पोलीस अधिक्षक महेश्वर रेड्डी, अपर पोलीस अधिक्षक कविता नेरकर, विभागीय पोलीस अधिकारी अभयसिंह देशमुख यांच्या आदेशानुसार पोलीस निरीक्षक पांडूरंग पवार यांच्या मार्गदर्शनाखाली पो.उ.नि शेख डोमाळे, पो.हे.कॉ रविंद्र पाटील, हिरालाल पाटील, निलेश ब्राम्हणकर, मनोहर पाटील, सुनिल राजपू, प्रविण परदेशी यांनी केली आहे. पुढील तपास पोहेकॉ रविंद्र पाटील हे करीत आहे.
