जळगाव समाचार | २७ मार्च २०२५
पारोळा तालुक्यातील शिरसोदे येथे २६ मार्च रोजी पहाटे अवैध वाळू वाहतुकीदरम्यान मोठा अपघात झाला. ट्रॅक्टर मागे घेत असताना ट्रॉलीच्या धडकेत १५ वर्षीय देवा उर्फ गौतम गोकुळ भिल हा मजूर गंभीर जखमी झाला आणि त्याचा जागीच मृत्यू झाला.
या घटनेनंतर ट्रॅक्टर चालक अजय भिल याला पोलिसांनी अटक केली असून, ट्रॅक्टर मालक समाधान शंकर पाटील याच्यावरही गुन्हा दाखल करण्यात आला आहे.
अवैध वाळू उपशावर संताप
या घटनेमुळे गावात संतापाची लाट उसळली आहे. “अवैध वाळू उपशामुळे नद्यांचे नुकसान होत आहे आणि निष्पाप जीव जात आहेत. प्रशासनाने कठोर कारवाई करावी,” अशी मागणी नागरिकांनी केली आहे.
प्रशासनाच्या भूमिकेवर प्रश्नचिन्ह
तालुक्यात अवैध वाळू उपसा मोठ्या प्रमाणात सुरू असून, प्रशासनाचे याकडे दुर्लक्ष होत असल्याची टीका होत आहे. आता हा अपघात घडल्यानंतर प्रशासन काय कारवाई करणार, याकडे सर्वांचे लक्ष लागले आहे.
