पुणे, जळगाव समाचार डेस्क;
मुंबईजवळील लोणावळा येथे सुट्टीसाठी गेलेल्या कुटुंबातील पाच जण रविवारी दुपारी भुशी धरणाच्या (Bhushi Dam) बॅकवॉटरजवळील (Backwater) धबधब्याच्या जोरदार प्रवाहात वाहून गेले. ही घटना दुपारी दीडच्या सुमारास घडली आणि पोलिसांनी तातडीने स्थानिक लोकांच्या मदतीने शोध आणि बचाव मोहीम सुरू केली. दोरी आणि ट्रॅकिंग गियरने सुसज्ज बचाव कर्मचाऱ्यांनी पीडितांच्या मृतदेहांचा शोध सुरू ठेवला, पहिले दोन मृतदेह बाहेर काढण्यात आले आणि उर्वरित तीन मृतदेह सोमवारी सकाळी बाहेर काढण्यात आले.
VIDEO | Visuals of five persons who drowned in a waterfall close to the backwater of Bhushi Dam in Pune's Lonavala area earlier today.
Officials said that the incident happened at 12:30pm when a family was out for a picnic at the scenic spot. They said the bodies of Shahista… pic.twitter.com/qOmk0qQHPa
— Press Trust of India (@PTI_News) June 30, 2024
पोलिसांनी दिलेल्या माहितीनुसार, एकाच कुटुंबातील पाच जण फिरायला बाहेर असताना धबधब्यात उतरले होते, अशी माहिती पीटीआय या वृत्तसंस्थेने दिली. अचानक पाण्याचा जोरदार प्रवाह आला आणि सर्वजण त्यात घसरले आणि धरणाच्या खालच्या भागात बुडाले. धबधब्यात उतरल्यानंतर ते शेवाळलेल्या दगडांवरून घसरले असावेत आणि पाण्याच्या जोरदार प्रवाहाने ते वाहून गेले असावेत, असे प्रत्यक्षदर्शींनी सांगितले.
रविवारी पुण्यातील लोणावळा परिसरातील भुशी धरणाच्या बॅकवॉटरजवळील एका धबधब्यात 4 आणि 9 वर्षांच्या मुलांसह एक महिला आणि दोन मुलांचा बुडून मृत्यू झाला, अशी माहिती एका पोलिस अधिकाऱ्याने दिली. पुणे ग्रामीणचे पोलीस अधीक्षक पंकज देशमुख यांनी सांगितले की, दुपारी साडेबारा वाजता एक कुटुंब सहलीसाठी धबधब्याजवळ गेले असताना ही घटना घडली.एसपी म्हणाले कि, असे दिसते की ते भुशी धरणापासून सुमारे दोन किलोमीटर अंतरावर असलेल्या धबधब्यात घसरले आणि जलाशयाच्या खालच्या भागात बुडाले.
पोलिसांनी सांगितले की, हडपसर भागातील अन्सारी कुटुंबातील सदस्य सहलीसाठी भुशी डॅमवर गेले होते. ते धरणाजवळील धबधबा पाहण्यासाठी गेले होते, मात्र परिसरात जोरदार पाऊस झाल्याने पाण्याचा प्रवाह वाढल्याचे लक्षात न आल्याने ते वाहून गेले. मृतांमध्ये शाहिस्ता अन्सारी (३६), अमिमा अन्सारी (१३) आणि उमरा अन्सारी (८) यांचे मृतदेह रविवारीच सापडले, तर अदनान अन्सारी (४) आणि मारिया सय्यद (९) यांचे मृतदेह सोमवारी सापडले.
