भुसावळ (प्रतिनिधी) : हातात लोखंडी तलवार घेऊन रेल्वे शाळेच्या परिसरात दहशत माजविणाऱ्या तिघांना पोलिसांनी अटक केली असून त्यांच्याविरुद्ध पोलीस ठाण्यात गुन्हा दाखल करण्यात आला आहे.
संशयित आरोपी दिपक रमेश म्याद्रे (वय ४०), पंकज रेवाराम कहार (वय १९) आणि एक अल्पवयीन मुलगा असे तीन जण असून हे तिघे दुचाकीवर हातात लोखंडी तलवार घेवून दहशत माजवित असल्याची गुप्त बातमी भुसावळ शहर पोलीस ठाण्याचे पोलीस उपनिरीक्षक विजय गायकवाड यांना मिळाली. त्यानुसार पथकाने रविवारी दि. २९ सप्टेंबर रोजी रात्री साडेअकरा वाजता तिघांवर कारवाई करत त्यांच्याकडून लोखंडी तलवार आणि गुन्ह्यात वापरलेली दुचाकी जप्त केली आहे. तिघांना पोलीसांनी ताब्यात घेतले.
याप्रकरणी सोमवारी ३० सप्टेंबर रोजी पहाटे ४ वाजता भुसावळ शहर पोलीस ठाण्यात तिघांवर गुन्हा दाखल करण्यात आला आहे. तपास पोहेकॉ पाटील करीत आहे.
