जळगाव समाचार डेस्क;
जळगाव (Jalgaon) शहराजवळ रविवारी दुपारी 4 वाजेच्या सुमारास गुलाबराव देवकर महाविद्यालयाच्या परिसरात झालेल्या भीषण अपघातात एक तरुण जागीच ठार झाला होता. तर त्याच्यासोबत अन्य तिघे गंभीर जखमी झाले होते. त्यातील एक जखमीचा आज उपचारादरम्यान मृत्यू झाला आहे. योगेश रेंभोटकर असे मयताचे नाव आहे.
याबाबत सविस्तर माहिती अशी की, रविवारी चौघे मित्र शिरसोली येथून जेवण करून घरी परतत असताना, चालकाचे गाडीवरील नियंत्रण सुटल्याने गाडी थेट झाडावर आदळली होती. त्यात आनंद सोनवणे यांचा जागीच मृत्यू झाला होता. दरम्यान आज त्यातील जखमी असलेले योगेश रेंभोटकर (53) यांचे आज उपचारादरम्यान निधन झाले आहे. ते दै. देशदूत चे कर्मचारी होते.
दि.१८ जुलै गुरुवार रोजी त्यांच्या पार्थिवावर नेरी नाका स्मशानभूमीत दुपारी 1 वाजता अंत्यसंस्कार करण्यात येणार आहे. त्यांच्या पश्चात आई, पत्नी, भाऊ, वहिनी, दोन बहिणी असा परिवार आहे.
