जळगाव समाचार | २३ सप्टेंबर २०२५
अमळनेर शहरातून खळबळजनक घटना समोर आली आहे. पैलाड भागातील ३८ वर्षीय मुकेश धनगर याचा दगडाने ठेचून खून केल्याची धक्कादायक घटना २१ सप्टेंबरच्या रात्री घडली. आरोपी निखिल विष्णू उतकर (वय ४५, रा. करंजा, पंचवटी, नाशिक) याला पोलिसांनी तात्काळ अटक केली आहे.
याबाबत सविस्तर माहिती अशी की, मुकेश धनगर (रा. स्वामी विवेकानंद कॉलनी, पैलाड) हे रात्री सुमारे ११ वाजता घराबाहेर गेले होते. याचवेळी हेडावे नाक्यावर वडाच्या झाडाखाली त्यांच्या आणि कोणीतरी व्यक्तीच्या दरम्यान वाद सुरू असल्याचे स्थानिकांनी सांगितले. या वादाचे कारण तंबाखू न देणे होते.
वाद मिटवण्यासाठी दिनेश भिका धनगर पुढे गेले असता आरोपीने त्यांच्यावर दगड फेकला. मुकेशच्या भावंडांनी मदतीसाठी आले, मात्र परत येताच आरोपी निखिल उतकरने मुकेशच्या डोक्यात व तोंडावर दगड मारून त्यांना गंभीर जखमी केले. जखमी अवस्थेत मुकेशला स्थानिक दवाखान्यात नेले असता डॉक्टरांनी त्यांना मृत घोषित केले.
घटनास्थळी डीवायएसपी विनायक कोते, पोलीस निरीक्षक दत्तात्रय निकम, पोलीस उपनिरीक्षक नामदेव बोरकर, हेडकॉन्स्टेबल्स मिलिंद सोनार, विनोद संदानशीव, उदय बोरसे यांनी आरोपीला ताब्यात घेतले. पोलीस उपनिरीक्षक नामदेव बोरकर या प्रकरणाचा तपास करीत आहेत.
२२ सप्टेंबर रोजी आरोपीला न्यायालयात हजर केले असता प्रथम दंडाधिकारी न्यायाधीश निलेश यलमाने यांनी त्यास २४ सप्टेंपर्यंत पोलीस कोठडी सुनावली.
