जळगाव समाचार | २४ मे २०२५
भारतीय क्रिकेट नियामक मंडळाने (BCCI) इंग्लंडविरुद्ध होणाऱ्या कसोटी मालिकेसाठी भारतीय संघ जाहीर केला असून, शुभमन गिल याच्याकडे कर्णधारपदाची धुरा सोपवण्यात आली आहे. रोहित शर्मा आणि विराट कोहली यांच्या निवृत्तीनंतर गिलच्या रूपात भारतीय कसोटी क्रिकेटच्या नव्या युगाला सुरुवात झाली आहे.
घोषित १८ सदस्यीय कसोटी संघात काही नव्या चेहऱ्यांना स्थान देण्यात आलं आहे, जे संघात नवा उत्साह घेऊन आले आहेत. विशेषतः साई सुदर्शन, नितीश रेड्डी, आणि आकाश दीप यांच्याकडे क्रिकेटप्रेमींचं लक्ष लागलेलं आहे.
संघातील खेळाडू:
1. शुभमन गिल (कर्णधार)
2. ऋषभ पंत (उपकर्णधार, यष्टिरक्षक)
3. यशस्वी जैस्वाल
4. के. एल. राहुल
5. साई सुदर्शन
6. अभिमन्यु ईश्वरण
7. करुण नायर
8. नितीश कुमार रेड्डी
9. रवींद्र जडेजा
10. ध्रुव जुरेल (यष्टिरक्षक)
11. वॉशिंग्टन सुंदर
12. शार्दुल ठाकूर
13. जसप्रीत बुमराह
14. मोहम्मद सिराज
15. प्रसिध कृष्णा
16. आकाश दीप
17. अर्शदीप सिंग
18. कुलदीप यादव
ऋषभ पंतला उपकर्णधारपद बहाल करण्यात आलं आहे. पंत आणि गिल जोडीवर संघाच्या भविष्यासाठी मोठ्या अपेक्षा आहेत.
२० जून २०२५ पासून लीड्स येथे सुरू होणारी ही मालिका ICC वर्ल्ड टेस्ट चॅम्पियनशिप 2025-27 साठी अत्यंत महत्त्वपूर्ण आहे. बेन स्टोक्सच्या आक्रमक ‘बॅझबॉल’ शैलीचा सामना करण्यासाठी गिलच्या नेतृत्वात भारतीय संघ लवचिक रणनीती, ताकदीची गोलंदाजी आणि चपळ क्षेत्ररक्षणासह सज्ज होणार आहे.
शुभमन गिलच्या नेतृत्वात एक नव्या जोमाचा, तरुण आणि प्रेरित भारतीय संघ इंग्लंडमध्ये मोठी छाप पाडण्याच्या तयारीत आहे. अनुभवी खेळाडूंचा आधार आणि नवोदितांचा उत्साह, हे मिश्रण भारतीय संघाला नव्या शिखरावर घेऊन जाण्याची क्षमता ठेवतं.
