जळगाव समाचार | २१ मार्च २०२५
जळगाव महापालिकेच्या प्रशासनात मोठे बदल करण्यात आले असून, सहाय्यक आयुक्त अश्विनी गायकवाड यांची नाशिक महापालिकेच्या उपायुक्त पदावर बदली करण्यात आली आहे. त्यांच्या जागी पंकज गोसावी यांची सहाय्यक आयुक्त म्हणून नियुक्ती करण्यात आली आहे.
राज्यात महापालिका उपायुक्त, सहाय्यक आयुक्त आणि नगरपंचायत मुख्याधिकारी यांच्या बदल्या करण्यात आल्या आहेत. यामध्ये अहमदनगर जिल्ह्यातील अकोले नगरपंचायतीचे मुख्याधिकारी पंकज गोसावी यांची बदली जळगाव महापालिकेत करण्यात आली आहे. तसेच, रावेर नगरपंचायतीचे मुख्याधिकारी अभिजीत कदम यांची नियुक्ती पालघर जिल्ह्यातील मोखाडा नगरपंचायतीत झाली आहे.
या बदल्यांमुळे महापालिकेच्या प्रशासकीय कामकाजात महत्त्वपूर्ण फेरबदल होण्याची शक्यता व्यक्त केली जात आहे.
