जळगाव समाचार | ७ मार्च २०२५
राजस्थानमध्ये बहिणीच्या मुलांच्या विवाहप्रसंगी भरल्या जाणाऱ्या मायऱ्याने वेळोवेळी नवे विक्रम प्रस्थापित केले आहेत. नुकतेच नागौर जिल्ह्यात भरलेल्या एका भव्य मायऱ्याची जोरदार चर्चा सुरू आहे. मिळालेल्या माहितीनुसार, नागौरच्या मेडता क्षेत्रातील बेदावडी गावातील शेतकरी रामलाल फडोदा आणि त्यांचे भाऊ तुलछाराम यांनी आपल्या बहिणीच्या नातवंडांच्या लग्नात तब्बल १३ कोटी ७१ लाख रुपयांचा मायरा भरला, जो आतापर्यंतचा सर्वात मोठा मायरा मानला जात आहे.
मायऱ्यात काय दिले गेले?
रामलाल आणि तुलछाराम यांनी मिळून मायऱ्याच्या स्वरूपात –
✔ १ कोटी ३१ लाख रुपये रोख
✔ ८० बीघा शेती जमीन (५ कोटी किंमत)
✔ मेडता सिटीमध्ये ६ प्लॉट (५ कोटी किंमत)
✔ बोलेरो गाडी
✔ ५ किलो चांदी आणि १.६० किलो सोने
✔ एक मॅसी ट्रॅक्टर
✔ १५ लाखांचे कपडे
असा भव्य मायरा भरला.
कोणासाठी भरला गेला हा मायरा?
रामलाल फडोदा यांना संतोष नावाची एकुलती एक मुलगी आहे, जी शेखासनी गावातील राजूराम बेडा यांच्याशी विवाहबद्ध झाली आहे. संतोषच्या मुला-मुलीच्या विवाहप्रसंगी नाना रामलाल आणि काका तुलछाराम यांनी मिळून हा ऐतिहासिक मायरा भरला. विशेष म्हणजे, विवाहातील नवविवाहित मुले एमबीबीएस आणि इंजिनीअरिंगचे विद्यार्थी आहेत.
राजस्थानमध्ये मोठ्या मायऱ्यांची परंपरा
राजस्थानमध्ये मोठ्या मायऱ्यांची परंपरा असून, यापूर्वी नागौर जिल्ह्यातील साडोकण गावातील तीन भावांनी मिळून १ कोटी ५१ लाख रुपये, २५ तोळे सोने, ५ किलो चांदी आणि २ प्लॉट मायऱ्यात दिले होते. त्याचप्रमाणे, खींवसर तालुक्यातील ढिंगसरा गावातील मेहरिया कुटुंबातील एका भावाने तब्बल ८ कोटी रुपयांचा मायरा भरला होता. नागौर जिल्ह्यातील हा नवा विक्रम राजस्थानभर चर्चेचा विषय बनला आहे.
