जळगाव : रामलालजी चौबे मेमोरियल ट्रस्ट प्रायोजित ‘मल्हार संगीत प्रतिष्ठान प्रस्तुत ‘किशोर से कुमार तक’ संगीत सोहळ्याचे आयोजन दि. १९ ऑक्टोबर रोजी शहरातील छत्रपती संभाजी नाट्यमंदिर येथे सायंकाळी ७ ते १० या वेळेत आयोजित करण्यात आल्याची माहिती प्रतिष्ठानचे संचालक डॉ. सुशिलकुमार राणे यांनी गुरूवारी पत्रकार परिषदेत दिली.
सर्व पिढ्यांमध्ये संगीत आणि सांस्कृतिक कलांची आवड निर्माण व्हावी या हेतूने आम्ही मेगा-इव्हेंट – लाइव्ह मधुर ऑर्केस्ट्रा – ‘किशोर से कुमार तक’ हा उपक्रम सुरू केला असून यावेळी शास्त्रीय संगीत आणि समकालीन स्वरांच्या मंत्रमुग्ध सोहळ्याला नागरीकांनी उपस्थित राहावे असे आवाहन आयोजकांच्या वतीने करण्यात आले आहे. यावेळी पत्रकार परिषदेला डॉ. सुशीलकुमार राणे, डॉ. विजय शाखी, गौरव मेहता, प्राजक्ता केदार, तृप्ती बाकरे, अमित माळी, नेहा नैनी, झाकीर खान आदी उपस्थित होते.
