जळगाव : -येथील नवीन बस स्थानक मध्ये बस मध्ये चढताना एका महिलेच्या पर्स मधून 50 हजार रुपयांची रोकड लांबवण्याची घटना 3 ऑक्टोबर रोजी दुपारी एक वाजेच्या सुमारास उघडकीस आली असून याप्रकरणी जिल्हा पेठ पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
जळगाव-पाचोरा बसमध्ये चढत असताना शीतल विठ्ठल पवार (वय २८, रा. भवानी माता मंदिराजवळ, पिंप्राळा) या महिलेच्या पर्समधून चोरट्यांनी ५० हजार रुपयांची रोकड लांबवली. सूत्रांनी दिलेल्या माहितीनुसार, शीतल पवार यांनी वडिलांकडून ५० हजार रुपये उसनवारीने घेतले होते. ते परत देण्यासाठी त्यात जात असताना ही घटना घडली.
