यावल – एका वीस वर्षीय विवाहितेने माहेरी मोहराळा येथे असताना घरात गळफास घेऊन आत्महत्या केल्याची घटना बुधवारी सायंकाळी उघडकीस आली असून या प्रकरणी पोलीस स्टेशनला अकस्मात मृत्यूची नोंद करण्यात आली आहे.सीमरन आकिब तडवी (20, रा.लोणी पंचक, ता.चोपडा) असे मयत विवाहितेचे नाव आहे.
यावल शहरांमध्ये विवाहित सिमरन हिचे आई-वडील गेले असता तिने बुधवारी सायंकाळी फवारणीच्या पंपाला बांधलेल्या पट्टीच्या साह्याने गळफास घेऊन आत्महत्या केली. हा प्रकार लक्षात आल्यानंतर कुटुंबीयांनी तिला यावल ग्रामीण रूग्णालयामध्ये आणले असता या ठिकाणी वैद्यकीय अधिकारी डॉ.प्रशांत जावळे यांनी तपासणी करून तिला मृत घोषित केले.
याप्रकरणी यावल पोलीस ठाण्यात राजू तडवी यांनी दिलेल्या खबरीवरून अकस्मात मृत्यूची नोंद करण्यात आली. तपास पोलीस निरीक्षक प्रदीप ठाकूर यांच्या मार्गदर्शनाखाली पोलीस उपनिरीक्षक सुनील मोरे, सहायक फौजदार विजय पासपोळे, हवालदार राजेंद्र पवार करीत आहे
