गोदरी गावाजवळील घटना
फत्तेपूर ता. जामनेर -रस्त्याने जाणाऱ्या दुचाकीला एसटी महामंडळाच्या बसने दिलेल्या धडकेत तरुण ठार झाल्याची घटना गोदरी गावाजवळ सकाळी सात वाजेच्या सुमारास घडली.
याबाबत सूत्रांनी दिलेली माहिती अशी कीसोयगाव आगाराची देव्हारी मुक्कामी बस क्र. एमएच २० बीएल २३९३ सकाळी सोयगावकडे मार्गक्रमण करीत असतांना फत्तेपुर गोद्री या प्रमुख जिल्हा मार्गावर दिलीप गायकवाड यांच्या शेताजवळ गोद्रीतांडा येथून जामनेर येथील रुबीस्टार हॉस्पीटलमध्ये नोकरीसाठी दुचाकीवरून निघालेल्या निलेश तुकडसिंग नाईक (वय २८) याला जोरदार धडक दिल्याने त्याचा उपचारासाठी नेत असतांना मृत्यू झाला.
घटनेची माहिती मिळताच फत्तेपूर पोलिस ठाण्याचे सपोनि गणेश फड पो. उपनिरीक्षक आर. के. शेख पो.ना.गणी तडवी पो. काँ. मुकेश पाटील यांनी घटनास्थळी धाव घेतली याबाबत प्रकाश तुकडसिंग नाईक यांनी दिलेल्या फियांदीवरून फत्तेपूर पो. ठाण्याला भारतीय न्याय संहिता कलम १०६ (१), २८१,१२५ (अ),१२५ (३),४२७ (४) मोटर वाहन कायदा १८४ प्रमाणे बस चालकाविरुद्धगन्हा दाखल झाला असून पुढील तपास प्रभारी अधिकारी गणेश फड यांचे मार्गदर्शनाखाली पो. उपनिरीक्षक आर. के. शेख करीत आहे.
