जळगाव समाचार डेस्क| १५ ऑगस्ट २०२४
स्वातंत्र्य दिनाच्या निमित्ताने जळगाव (Jalgaon) जिल्ह्यातील विविध क्षेत्रांमध्ये उत्कृष्ट कार्य करणाऱ्या व्यक्तींचा पालकमंत्री गुलाबराव पाटील यांच्या हस्ते सन्मान करण्यात आला. या समारंभाला जिल्हाधिकारी आयुष प्रसाद, जिल्हा पोलीस अधीक्षक डॉ. महेश्वर रेड्डी, जिल्हा परिषदेचे मुख्य कार्यकारी अधिकारी अंकित, आणि जळगाव महानगरपालिकेचे आयुक्त ज्ञानेश्वर ढेरे उपस्थित होते.
सैन्यदलातील सन्मान: जवान नितीन ईश्वर मोरे
महार रेजिमेंटमध्ये कार्यरत असताना जवान नितीन ईश्वर मोरे यांनी कांगो देशात संयुक्त राष्ट्र मिशन (मोनुस्को) मध्ये सेवा बजावली. या मोहिमेदरम्यान डोक्याला गंभीर दुखापत झाल्यामुळे त्यांना ७६% अपंगत्व आले. त्यांच्या या धाडस आणि समर्पणाच्या कार्यासाठी महाराष्ट्र शासनाने त्यांचा ताम्रपट देऊन गौरव केला.
शैक्षणिक क्षेत्रातील गुणवंतांचा सन्मान
स्वातंत्र्य दिनानिमित्त शैक्षणिक क्षेत्रात उत्कृष्ट कामगिरी करणाऱ्या विद्यार्थ्यांचा विशेष सन्मान करण्यात आला.
तनिष्का किरण पाटील (पोदार इंटरनॅशनल स्कूल): पूर्व उच्च प्राथमिक शिष्यवृत्ती परीक्षा उत्तीर्ण इयत्ता ५ वी मध्ये ९०.४७ गुण प्राप्त करून राज्यस्तरीय गुणवत्ता यादीत स्थान मिळवले.
हेम सचिन पाटील (काशिनाथ पलोड पब्लिक स्कूल, सावखेडा बु.): पूर्व माध्यमिक शिष्यवृत्ती परीक्षा इयत्ता ८ वी मध्ये ८७.२४ गुण प्राप्त करून राज्यस्तरीय गुणवत्ता यादीत स्थान मिळवले.
जितीषा अम्तिकुमार सोमानी (सेंट जोसेफ कन्व्हेंट हायर सेकंडरी स्कूल, जळगाव): पूर्व माध्यमिक शिष्यवृत्ती परीक्षा इयत्ता ८ वी मध्ये ८४.५६ गुण मिळवले.
शेतकऱ्यांचा सन्मान
जिल्ह्यातील पिक स्पर्धांमध्ये उल्लेखनीय उत्पादन घेणाऱ्या शेतकऱ्यांचा विशेष सन्मान करण्यात आला. यामध्ये राज्य आणि जिल्हास्तरीय विजेते ठरलेल्या शेतकऱ्यांचा समावेश होता.
खरीप ज्वारी उत्पादन:
अशोक दगडू तायडे (रायपुर, ता. रावेर): प्रति हेक्टर उत्पादन – ४५ क्विंटल
कुंदन कुमार अशोक चौधरी (विवरे खु., ता. रावेर): प्रति हेक्टर उत्पादन – ३५.०० क्विंटल
प्रतापसिंग माणिक पाटोल (कन्हाळ बु., ता. भुसावळ): प्रति हेक्टर उत्पादन – २६.७३ क्विंटल
मका उत्पादन:
संतोष भाऊडू पाटील (भोकरी, ता. रावेर): प्रति हेक्टर उत्पादन – ८६ क्विंटल
रामदास विठ्ठल चौधरी (अहिरवाडी, ता. रावेर): प्रति हेक्टर उत्पादन – ७६ क्विंटल
श्रीमती वैशाली स्वप्नील चौधरी (मोहगण बु., ता. रावेर): प्रति हेक्टर उत्पादन – ७१ क्विंटल
अकबर फतू तडवी (लालमाती, ता. रावेर): प्रति हेक्टर उत्पादन – ४५ क्विंटल
तुकाराम न्हानू पवार (भोणे बु., ता. धरणगाव): प्रति हेक्टर उत्पादन – ३७.१७ क्विंटल
श्रीमती. सुमनबाई तुकाराम पारधी (भोणे बु., ता. धरणगाव): प्रति हेक्टर उत्पादन – ३६.११५ क्विंटल
सोयाबीन उत्पादन:
ज्ञानेश्वर चित्तामण पाटील (चुनवाडे, ता. रावेर): प्रति हेक्टर उत्पादन – ३७.०० क्विंटल
देविदास चितामण पाटोल (चुनवाडे, ता. रावेर): प्रति हेक्टर उत्पादन – ३६.०० क्विंटल
संतोष गणेश तेली (देऊळगाव, ता. जामनेर): प्रति हेक्टर उत्पादन – ३५.८३ क्विंटल
तूर उत्पादन:
श्रीमती. मीराबाई दादाराव पाटील (सुकडी, ता. मुक्ताईनगर): प्रति हेक्टर उत्पादन – ३२.६० क्विंटल
श्रीमती. रुपाली साहेबराव पाटील (पुर्णाड, ता. मुक्ताईनगर): प्रति हेक्टर उत्पादन – २६.४५ क्विंटल
अलका अरविंद पाटोल (पातोडी, ता. मुक्ताईनगर): प्रति हेक्टर उत्पादन – १८.०५ क्विंटल
पोलीस अधिकारी आणि कर्मचारी सन्मानित
पोलीस विभागातील उल्लेखनीय कामगिरीबद्दल खालील अधिकारी आणि कर्मचाऱ्यांना सन्मानित करण्यात आले:
श्री कुणाल सोनवणे (सध्या एसडीपीओ, चोपडा): गडचिरोली आणि गोंदिया जिल्ह्यातील नक्षलग्रस्त भागात कर्तव्य बजावल्याबद्दल शौर्यपदक प्राप्त.
श्री बबन मारोती आव्हाड (पोलीस निरीक्षक, स्थानिक गुन्हे शाखा): गडचिरोली आणि गोंदिया जिल्ह्यातील नक्षलग्रस्त भागात कर्तव्य बजावल्याबद्दल शौर्यपदक प्राप्त.
श्री रंगनाथ त्र्यंबक धारबळे (पोलीस निरीक्षक, शनिपेठ पोलीस ठाणे): राष्ट्रपती पदक प्राप्त.
श्री उध्दव धोडीबा डमाळे (पोलीस निरीक्षक, भुसावळ शहर पोलीस ठाणे): उल्लेखनीय कामगिरीबद्दल विशेष सेवा पदक प्राप्त.
श्री निलेश नानाजी वाघ (नियंत्रण कक्ष, जळगाव): शौर्यपदक प्राप्त.
श्री तुषार सुधाकर पाटील (पोलीस उपनिरीक्षक, रावेर पोलीस ठाणे): शौर्यपदक प्राप्त.
आरोग्य विभागातील गुणवंतांचा सन्मान
आरोग्य विभागातील उत्कृष्ट कामगिरी करणाऱ्या वैद्यकीय अधिकारी आणि कर्मचाऱ्यांना देखील सन्मानित करण्यात आले:
डॉ. समाधान वाघ: वैद्यकीय अधिकारी तथा कुटुंब कल्याण शस्त्रक्रिया सर्जन.
डॉ. रमेश धापते: वैद्यकीय अधिकारी.
डॉ. प्रांजली पाटील: वैद्यकीय अधिकारी.
आरोग्य कर्मचारी: पंकज साळुंखे, श्रीमती राजश्री पाटील, श्रीकांत मराठे, श्रीमती शैला जमरा, श्रीमती शोभा माधवराव पाटील, उद्धवराज कृणबी, अरुण बाबूराव पाटील, मेघा ठाकुर, अंकिता निमस्कर.
