जळगाव समाचार डेस्क। ८ ऑगस्ट २०२४
मध्य रेल्वेच्या भुसावळ विभागात शेगाव आणि जलंब स्टेशनांमधील स्वयंचलित ब्लॉक सिग्नलिंगच्या कामासाठी गुरुवार, ८ ऑगस्ट २०२४ रोजी काही गाड्यांच्या वेळापत्रकात बदल करण्यात आले आहेत. या महत्त्वपूर्ण कामामुळे भूसावळ-वर्धा आणि बडनेरा-नाशिक मेमू गाड्या रद्द करण्यात आल्या आहेत, तसेच काही गाड्या विलंबाने धावणार आहेत.
रद्द झालेल्या गाड्या
१११२१ भुसावळ – वर्धा मेमू: गुरुवार, ८ ऑगस्ट २०२४ रोजी रद्द
१११२२ वर्धा – भुसावळ मेमू: शुक्रवार, ९ ऑगस्ट २०२४ रोजी रद्द
०१२११ बडनेरा – नाशिक रोड स्पेशल: गुरुवार, ८ ऑगस्ट २०२४ रोजी रद्द
०१२१२ नाशिक रोड – बडनेरा स्पेशल: गुरुवार, ८ ऑगस्ट २०२४ रोजी रद्द
विलंबाने धावणाऱ्या गाड्या
२०८२० ओखा – पुरी एक्सप्रेस: ७ ऑगस्ट २०२४ रोजी १ तास ३० मिनिटे विलंबाने धावणार
११०४० गोंदिया – कोल्हापूर एक्सप्रेस: ८ ऑगस्ट २०२४ रोजी १ तास १० मिनिटे विलंबाने धावणार
१२४८५ नांदेड – श्री गंगानगर एक्सप्रेस: ८ ऑगस्ट २०२४ रोजी ३० मिनिटे विलंबाने धावणार
०१३६६ बडनेरा – भुसावळ मेमू: ८ ऑगस्ट २०२४ रोजी ४५ मिनिटे विलंबाने धावणार
या कामामुळे अकोला मार्गे प्रवास करणाऱ्या प्रवाशांना अडचणींचा सामना करावा लागू शकतो. प्रवाशांनी आपल्या प्रवासाचे नियोजन करताना या बदलांचा विचार करावा आणि शक्यतो दुसरे पर्याय शोधावेत. रेल्वे प्रशासनाने प्रवाशांना झालेल्या असुविधेबद्दल दिलगिरी व्यक्त केली आहे आणि सिग्नलिंग कामाच्या यशस्वी पूर्णतेसाठी सहकार्य करण्याचे आवाहन केले आहे.
प्रवाशांनी आपल्या प्रवासाच्या अद्ययावत माहिती आणि वेळापत्रकासाठी रेल्वेच्या अधिकृत वेबसाइटवर किंवा स्थानिक रेल्वे स्थानकांवर संपर्क साधावा. रेल्वे प्रशासनाने प्रवाशांना सर्व प्रकारच्या मदतीचे आश्वासन दिले आहे.
