जळगाव समाचार डेस्क;
जळगाव (Jalgaon) जिल्ह्यात गुन्हेगारी खूप मोठ्या प्रमाणात फोफावतांना दिसून येत आहे. दिवसेंदिवस खुनाच्या घटनांमध्ये वृद्धी होत आहे. त्यातच काल रात्री उशिरा मुक्ताईनगर तालुक्यातील डोलारखेडा फाट्याजवळ जळगावच्या तरुणाचा खून झाल्याची घटना घडली आहे. नितीन साहेबराव पाटील (24) असे मयत तरुणाचे नाव आहे.
याबाबत मिळालेल्या माहितीनुसार, जळगाव येथील नितीन साहेबराव पाटील (24) या तरुणाचा व्याजाच्या पैशाच्या व्यवहारातून झालेल्या वादामुळे हा खून झाला असल्याचे समजते, यासंदर्भात घटनास्थळी पोलीस पंचनामा सुरू असून अद्याप पावतो मयताचे प्रेत आढळून आले नसल्याने पूर्णा नदीच्या पात्रात प्रेताचा शोध घेतला जात आहे. दरम्यान याप्रकरणी पोलीस अधीक्षक डॉ. महेश्वर रेड्डी यांनी मुक्ताईनगर पोलीस स्टेशनला भेट दिली आहे.
