जळगाव समाचार डेस्क;
जळगाव शहरातील सामाजिक कार्यकर्ते अशी ओळख असणारे आनंदा सोनवणे यांचे आज १४ जुलै रोजी दुपारी ४ वाजता अपघाती निधन झाले आहे. मित्रांसोबत हॉटेलमधून जेवण करून घरी कासमवाडी येथे परतत असताना कारचा ताबा सुटल्याने थेट झाडावर आदळली. यात त्यांचा दुर्दैवी मृत्यू झाला. (Jalgaon)
याबाबत सविस्तर माहिती अशी कि, शहरातील कासमवाडी परिसरात आनंदा सोनवणे हे आपल्या कुटुंबासह वास्तव्यास होते. सामाजिक कार्यकर्ता म्हणून त्यांची समाजात ओळख होती. दरम्यान रविवारी १४ जुलै रोजी दुपारी ते मित्र भैरव भगवान राणे आणि पप्पू आढाव यांच्यासोबत कारने शिरसोली गावाजवळील हॉटेल एमएच 19 येथे जेवण करण्यासाठी गेले यावेळी परततांना दुपारी ४ वाजेच्या सुमारास गुलाबराव देवकर कॉलेजच्या पुढे गाडीचा ताबा सुटल्याने गाडी थेट एका झाडावर जाऊन आदळली. या भीषण अपघातात आनंदा सोनवणे यांचा जागीच मृत्यू झाला आहे, तर सोबत असलेले भैरव राणे आणि पप्पू आव्हाड हे गंभीरित्या जखमी झाले आहेत.
दरम्यान घटनेची माहिती मिळाल्यानंतर जिल्हा शासकीय वैद्यकीय महाविद्यालयात मित्रपरिवार व नातेवाईकांनी एकच गर्दी केली होती. या संदर्भात अद्याप पोलिसात कुठलीही नोंद करण्यात आलेली नाही. कुटुंबाला अपघाताची माहिती मिळताच सर्वांनी एकच आक्रोश केला. त्यांच्या पश्चात दोन भाऊ, आई-वडील, पत्नी, दोन मुल असा परिवार आहे.
