जळगाव समाचार डेस्क;
अनंत अंबानी आणि राधिका मर्चंट यांचा विवाह सोशल मीडियावर तसेच लोकांमध्ये चर्चेचा विषय बनला आहे. बिझनेस टायकून मुकेश अंबानी यांचा धाकटा मुलगा अनंत अंबानी (Ambani) याने १२ जुलै रोजी दीर्घकाळाची गर्लफ्रेंड राधिका मर्चंटसोबत लग्न केले. अनंत आणि राधिकाच्या लग्नाच्या प्रत्येक फंक्शनवर लोकांच्या नजरा लागल्या आहेत. 13 जुलै 2024 रोजी शुभ आशीर्वाद सोहळ्यानंतर, 14 जुलै रोजी म्हणजेच आजच्या दिवशी रिसेप्शन पार्टीचे आयोजन केले जाईल. या सगळ्याच्या दरम्यान अनंत अंबानींनी त्यांच्या मित्रांना दिलेल्या रिटर्न गिफ्ट्सबाबत एक ताजं अपडेट समोर आलं आहे, ज्याबद्दल तुम्हाला धक्का बसेल. अनंतने आपल्या जवळच्या मित्रांना खास भेटवस्तू दिल्या आहेत, ज्यांची किंमत करोडोंमध्ये आहे.
अनंत अंबानींनी आपल्या मित्रांना इतके कोटींचे घड्याळ दिले
देशातील श्रीमंत उद्योगपती मुकेश अंबानी यांच्या मुलाच्या शाही लग्नाचे फोटो आणि व्हिडिओ व्हायरल होत आहेत. या सगळ्यामध्ये अनंत अंबानी आणि राधिका मर्चंटच्या लग्नात येणाऱ्या पाहुण्यांना देण्यात येणाऱ्या लक्झरी गिफ्टची मोठी चर्चा आहे. अनंत अंबानी यांनी त्यांच्या काही खास मित्रांना करोडो रुपयांची Audemars Piguet घड्याळे भेट दिली आहेत. अनंत अंबानींनी भेट दिलेल्या घड्याळांची किंमत जाणून तुम्ही थक्क व्हाल. अनंतने एकूण २५ Audemars Piguet Premier Limited Edition घड्याळे बनवली आहेत, ज्यांची किंमत 2 कोटी रुपये आहे.
अनंत अंबानींच्या रिटर्न गिफ्टची झलक
अनंत अंबानीच्या लग्नाचा एक व्हिडिओ व्हायरल होत आहे, ज्यामध्ये त्यांचे जवळचे मित्र महागडे ऑडेमार्स पिगेट घड्याळे दाखवताना दिसतात. वराच्या बाजूने, शाहरुख खान, सलमान खान, रणवीर सिंग, वीर पहाडिया, मीझान जाफरी, शिखर पहाडिया यांच्यासह 25 जवळचे मित्र होते, ज्यांना अनंत अंबानी यांनी एक आलिशान घड्याळ भेट दिली आहे. या Audemars Piguet घड्याळांच्या वैशिष्ट्यांबद्दल बोलतांना, त्यांच्याकडे 18K सोन्याचे ब्रेसलेट, एक सोनेरी डायल आणि एक नीलम क्रिस्टल कॅलिबर आहे.
