जळगाव : घरासमोर उभी केलेली दीपक जगदीश खडके (वय ४२ रा. आयोध्या नगर) यांची कार अज्ञात चोरट्याने चोरून नेली. ही घटना ३ ते ४ ऑक्टोबर दरम्यान आयोध्या नगर परिसरातील सद्गुरू नगर येथे घडली. या प्रकरणी एमआयडीसी पोलिस ठाण्यात अज्ञात चोरट्याविरुद्ध गुन्हा दाखल करण्यात आला आहे.
किराणा दुकान चालक असलेले दीपक खडके यांनी त्यांची (एमएच ०२, सीडब्ल्यू ०९०६) क्रमांकाची कार घरासमोर उभी केली होती. मध्यरात्री अज्ञात चोरट्याने ती चोरून नेली. दुसऱ्या दिवशी ही घटना लक्षात आली. या प्रकरणी दि. ७ ऑक्टोबर रोजी खडके यांनी एमआयडीसी पोलिस ठाण्यात फिर्याद दिली. त्यावरून अज्ञात चोरट्यांवर गुन्हा दाखल करण्यात आला. पुढील तपास पोहेकॉ दत्तात्रय बडगुजर करीत आहेत.
